ලෝකය මත දියව යන අපේ සංස්කෘතික රාමුව

සමන් එදිරිමුණි

2012/03/28

"අද" පුවත්පතේ පළවූ ලිපියකි.

සංස්කෘතිය යනු කුමක්ද? මේ ගැටලුව සඳහා ලෝකයේ නිර්වචන කොතෙකුත් ඇත. නමුදු බොහෝ ඒවා එකකින් එකකට වෙනස් වෙයි. එකම වචනයකට නිර්වචන සමූහයක් ඇත්නම් එහි සරලම තේරැම උක්ත වචනයට නියමාකාර ස්ථිර අර්ථයක් නැති බවයි. එහි තේරැම ඒ වචනයට තේරැමක් කොහෙත්ම නැති බව නොවේ. යම් වචනයක් භාවිත වන සමාජය, තරාතිරම හෝ පුද්ගලයා අනුව එහි අර්ථය වෙනස් වේ නම් එය සාපේක්ෂ වදනකි. එබැවින් ඊට නිවැරුදි අනන්‍ය තේරැම් සෙවීම හුදු කාලය කා දැමීමකි. සංස්කෘතිය යනු එවන් වදනකි. නමුදු බොහෝදෙනා එය තේරැම් ගත්තේ ඉතාම වැරදි ක්‍රමයකටය. ලංකාව ඉන්දියාව වැනි ආසියාතික රටවල් තරම් සංස්කෘතිය ගැන කියවන රටවල් ලෝකයේ තවත් නැත. දෛවයේ සරදමකට මෙන් මෙම රටවල්වල තරම් සංස්කෘතිය පිරිහුණු රටවල්ද තවත් නැත. අප කතාබහ ආරම්භ කරමු.

ඔබ සිංහලයෙක්ද?

    ඔබ සිංහලයෙක්ද? සිංහලයෙක්නම් නම් ඔබ ඒ බව දැනගත්තේ කෙසේද? සිංහල යන නමින් පෙනී සිටින බොහෝ දෙනකුගෙන් මෙම ප්‍රශ්නය මා විසින් අසා තිබේ. ඒ එක්කෙන්කුගෙන් වත් සෑහෙන පිළිතුරක් මට කිසි විටෙක ලැබී නැත. මේ ප්‍රශ්නය ගැන සමහරු කිපෙති. පිළිතුර ඉතා පැහැදිලිව පෙනෙන්නට තිබියදී ප්‍රශ්නය අසන්නේ කුමටදැයි සමහරු පෙරලා ප්‍රශ්න කරති. මෙය විනෝදයට අසන ප්‍රශ්නයක් වශයෙන් සමහරු සලකති. මෙම ප්‍රශ්නය ගැන මිට පෙර කිසිවිටෙක තමන් සිතා නැතැයි තවත් සමහරු කියති. කෙසේ හෝ වේවා ඒ කිසිවෙකුගෙන් ප්‍රශ්නයට සැහෙන, තර්කානුකුල ඒත්තු ගැන්විය හැකි පිළිතුරක් නොලැබෙයි.

මා දකින බුදු දහම

    සියලු ආගම් ඇදහිලි ලොව සර්ව බලධාරී දෙවියෙකු මුල් කරගෙන යාඤවෙන් හා පැතුමෙන් පවතී. එය වසර 2500 ට පෙර බුදුන් දවස වන විටද එසේම විය. එකල ඉන්දියාවේ ආගම් 62ක් වූ අතර ආත්මය, පුද්ගලයා, මරණින් පසු නැවත ඉපදීම ආදියෙන් ජනතාව මුලා කරන විවිද විකාර ඉගැන්වීම් සහ මතවාද පැවතුනි. නමුත් ඒ සියල්ලම මිත්‍යා ප්‍රකාශ ලෙස එකවර බිඳ දැමීම බුදුන්ගෙන් සිදුවිය. එය ලොව සිදු මහා ප්‍රාතිහාර්ය ලෙස සැලකේ.

    බුදු දහම ආගමක් ලෙස වර්ග කීමට මා අකමැත්තෙමි. මන්ද බුදුන් ආගම් කතෘවරයෙකු නොවන අතර බුදුන්ගේ යැයි කිවහැකි ධර්මයක්ද නොමැත. සිදුවුයේ විශ්වයේ ස්වභාව ධර්මය ක්‍රියාත්මක වන ආකාරය පැහැදිලි කිරීම වේ. එහිදී සිත හා ගත එකතුවූ විට දුක ඇතිවීම හා නැති කරගැනීම ක්‍රියාත්මක වන ආකාරය බුදුන් විසින් ඉදිරිපත් කරන ලදී. ඒ අනුව බුදු දහම සොබාදහම මිස අවිද්‍යාවෙන් මුලාවූ  මිනිසා විසින් මවා ගත් තවත් ආගමක් නොව විද්‍යාවකි.

ආගම් වල ආරම්භය !!

    මා කලින් ලිපියේ සඳහන් කල පරිදි දැනුමෙන් හීන වූ ආදිතම මිනිසාට සොබාදහමහි ක්‍රියාකාරිත්වය තේරුම්ගැනීමට අපොහොසත් විය. ඔහුට තේරුම්ගත නොහැකි මේ සංකීර්ණ ක්‍රියාවලිය සර්ව බළධාරී දෙවියෙකුගේ බලපෑම මත සිදු වන්නක් යැයි විශ්වාස කළේය. සර්ව බලධාරී දෙවියෙකු විසින් ලොව පාලනය කිරීම ස්ථිර විය. ඒ සමග සිතින් මවාගත් විවිද ආගමික ඉගැන්වීම් යාඤ කිරීම් සහා ඒ පිළිබද සාහිත්‍යක් ඇතිවුනි. එයින් අදහස් වුයේ ආගම් වල නියමයන් අනුව භක්තිය වඩා මරණින් පසුව දෙවියන් හා එක්වීම හෙවත් දෙව්ලොව ඉපදීම විය. එසේ නොකරන්නා අපාගත වෙයි. එයින් ගැලවීමක් නැත. ඒ අනුව ක්‍රමයෙන් දේශය, වාසය සහ පරිසරය අනුව ලොව පුරා විවිදාකාරයේ ආගම් ඇදහීම් බිහිවුනි. ඒ ඒ ආගම් හා විශ්වාස වලට අනුව ආගමික නායකයින් හෙවත් කතාකරුවන් ඇතිවුනි. ඔවුන්ගේ ප්‍රකාශ මැවීම් මත වූ ආගමික සත්‍ය ගැන කිසිවෙකුටත් ප්‍රශ්න කල නොහැකි විය. එය මරණිය දඬුවම් ලැබෙන සමාව නොලැබෙන බරපතල අපරාධයකි.

මිනිසා විසින් දෙවියන් මවා ගැනීම සහ එහි ඉතිහාසය

    ආදිතම මිනිසා ලොව තමන්ට පෙනෙන ආකාරයට වටහා ගත්හ. ඔහුගේ පෘතුවිය සමතලා භූමියක් විය. නිල්වන් අහස ඊට බොහෝ ඉහලින් පිහිටා පොලොව වසාගෙන ඇත. එහි ඉර, හඳ , තරු ආදිය පෙරදිගින් මතුවී අපරදිගින් නොපෙනී යති. ඉර බැස ගිය පසුව ඇතිවන රාත්‍රිය ඉමහත් බියෙන් ඔහු ගත කළේය. හඳ එළිය පවතී දිනයන්හි එය තරමක් අඩු විය. වැස්සෙන් ඔහුට සිදු වුයේ ඉමහත් අපහසුවකි. වරින්වර ඇතිවුණු විදුලිය සහ අහස ගිගුරුම් අති භයානක විය. අකුණු සැර ඔහුගේ මරණය සඳහාම විය. කලින් කල දිස් වෙන සූර්යග්‍රහණ, චන්ද්‍රග්‍රහණ ඇති වන්නේ අහසේ ඉන්නා රක්ෂයෙකු විසින් ඉර හඳ ගිලගැනීමට තැත් කිරීමක් වැනිය. එසේම අධික නියඟය ඇතිවීම හේතුවෙන් ඔහු වතුර සොයායාම, සියලු ගස්වැල් වියලි යෑම සහ ආහාර හිඟයකටද හේතුවිය. එසේම වැසි සමග ඇතිවුණු මහා ජලගැලීම් හා සුලිසුළන් වලින් ඔහුට ගැලවීමට නොහැකි විය. ගිනිකඳු පිපිරීමද එසේම විය. වරින් වර ඇති වී පැතිරී යන වසංගත රෝග සහ එයින් සිදු වන දහස් ගණන් මියයාම් ඔහුට තේරුම් ගත නොහැකි විපත් ලෙස පෙනුනි.